Thursday, July 13, 2006

എന്റെ മോള്‍


എന്റെമോളെനിക്കെന്നും മോളാണ്‌
നിങ്ങളുടെ മോള്‍ നിങ്ങള്‍ക്കും..
പക്ഷെ...

ഒരു പക്ഷെയില്‍ എല്ലാമൊതുക്കാവുന്നതാണോ?

ഈ കൃസ്തുമസിനവള്‍ക്ക്‌ പത്താകും..
അവള്‍ വന്നതൊരു കൃസ്തുമസ്‌ രാത്രിയിലാണ്‌
'തിരുവാതിരയും' 'ബരാ-അത്തും' സംഗമിച്ചൊരു കൃസ്തുമസ്‌ രാത്രി.

അന്നു രാവിലാകാശത്തില്‍ ദിവ്യനക്ഷത്രങ്ങള്‍ ഉദയം ചെയ്തിരുന്നില്ല
അന്നു വാര്‍ഡിലാരും ഊഞ്ഞാല്‍ തീര്‍ത്തിരുന്നില്ല-
'ഒരോര്‍ത്തോ' രോഗിയുടെ കാലേറ്റിയൊരു കൊച്ചൂഞ്ഞാലൊഴിച്ച്‌-
ആതുരാലയത്തിലെന്നും നോംബും നോവുമണല്ലോ
ആതിരക്കും പാതിരക്കും.
എപ്പൊഴുമെന്നപോല്‍ ഉള്ളിലെല്ലാരും ഓത്തിലാണല്ലോ
മധുരമില്ലാ പ്രാര്‍ഥനകളിലും.

കാത്തിരിപ്പിനും, നില്‍പ്പിനും നടപ്പിനുമൊടുവില്‍
ലേബര്‍ റൂമിന്റെ വാതില്‍ പാതിയിലും പാതി തുറന്ന്
പച്ചയുടലുമായ്‌ മുഖമ്മൂടി മാറ്റി ഡോക്ടര്‍ മൊഴിഞ്ഞു:
"മോള്‍! അമ്മയ്കും മോള്‍ക്കും സുഖം"
വേനലിലെ പുതുമഴപൊലെ എന്റെ മെയ്യും മനസ്സും കുളിര്‍ത്തു
എന്റെ വീട്ടിലാര്‍ക്കും പെങ്കുട്ടികളില്ലാര്‍ന്നു
എനിക്ക്‌ പെങ്ങന്മാരും!

* * * * * *

ഈ വേനലവധിക്കും അവള്‍ വന്നിരുന്നു
കഴിഞ്ഞാഴ്ചയാണു മടങ്ങിയത്‌
എയര്‍പോര്‍ടില്‍ ഒരു ഐസ്‌ ക്രീമും നുണഞ്ഞശേഷം
നീലയുടുപ്പുമിട്ടമ്മയുടെ കയ്യില്‍ പിടിപ്പിച്ച്‌
എമ്മിഗ്രേഷന്‍ പടിയില്‍ വെച്ചവളേയുപെക്ഷിക്കുംബോള്‍
പണ്ട്‌ ചാക്കില്‍ കെട്ടി "നാടുകടത്തിയ" കുറുഞ്ഞി പൂച്ചയുടെ
മക്കളിലൊരളുടെ കണ്ണുകള്‍ എന്നെ വേട്ടയാടിയൊ?

ഫോണ്‍ വിളിക്കുംബോള്‍ എപ്പോഴും തിരക്കുന്നു
അവളെന്നെ ചോദിക്കാറുണ്ടൊയെന്ന്..
ഇല്ല.. അവളെന്നെ മറന്നിരിക്കുന്നു
ഇനിക്കാണുന്നതു വരെയേയുള്ളു മറവി.

എങ്കിലും എനിക്കാശ്വാസമാണ്‌
ഇവിടുത്തെ കത്തുന്ന ചൂടില്‍നിന്ന് കുളിരുന്ന
മഴയിലെക്കണല്ലൊ അവള്‍ പോയത്‌
ഇവിദുതെ ഇടുങ്ങിയ ഫ്ലാറ്റില്‍നിന്ന്
വിശാലതയിലെക്കാണല്ലൊ.

ഈ അവധിക്കാണവള്‍ എന്നെ ആദ്യമായ്‌
'ഡാ-ഡീ' എന്നുവിളിച്ചത്‌!
മുമ്പെ പല ശബ്ധങ്ങളുമുണ്ടാക്കുമ്പോള്‍
അതാ, ഡാ-ഡീ വിളിക്കുന്നു എന്നവളുടെ അമ്മ
എന്നെ വിശ്വസിപ്പിക്കാന്‍ വ്രഥാ ശ്രമിക്കരുണ്ടെങ്കിലും!

വീണ്ടും കാണുംബോള്‍, ഒരു നിമിഷത്തെ
ഒരംബരപ്പിനു ശേഷം ഓടിയെത്തും
പിന്നെ, പതിവു സ്നേഹപ്രകടനങ്ങള്‍!!
നുള്ളുകള്‍, പിച്ചുകള്‍, ഉറങ്ങുംബൊള്‍
കണ്ണുകളിള്‍ മാന്തി ഉണര്‍ത്തല്‍....

* * * * * *

അരുതായ്മകള്‍ മാത്രമരങ്ങേറുന്ന ഇന്ന്
വാര്‍ത്തകള്‍ എന്നെ വേട്ടയടുകയാണെപ്പോഴും!

അവളെക്കുറിച്ചെനിക്ക്‌ പ്രതീക്ഷകളശേഷമില്ല,
സ്വപ്നങ്ങളല്ലാതെ.
പ്രത്യാശകളും, പ്രാര്‍ഥനകളല്ലതെ.

എന്റെമോളെനിക്കെന്നും "മോളാണ്‌"
നിങ്ങളുടെ മോള്‍ നിങ്ങള്‍ക്കും..
പക്ഷെ...

ഒരു പക്ഷെയില്‍ എല്ലാമൊതുക്കാവുന്നതാണോ?

ഈ കൃസ്തുമസിനവള്‍ക്ക്‌ പത്താകും..

64 comments:

അത്തിക്കുര്‍ശി said...

ചുള്ളിക്കാടിന്റെ പതിനെട്ടുകവിതകളുടെ ആമുഖം:

"......................
പകുതി ഹൃത്തിനാല്‍ പൊറുത്തുകൊള്‍ക
ഇതെന്റെ രക്തമാണ്‌, മംസാമണെടുതുകൊള്‍ക"

ദിവാസ്വപ്നം said...

അത്തിക്കുര്‍ശീ,

ഒരച്ഛന്റെ വേദന ഹൃദയസ്പര്‍ശിയായി എഴുതിയിട്ടുണ്ട്. കമന്റുകള്‍ മോഡറേറ്റ് ചെയ്തിട്ടുണ്ടോ, ഇവിടെ കമന്റൊന്നും കാണുന്നില്ലല്ലോ.

‘ദൂര’ത്തായിരിക്കുന്ന അച്ഛനെ അറിയാതെ മറന്നു പോകുന്ന മകളും, മകള്‍ പറയുന്നതൊക്കെ “അച്ഛാ...” വിളിയായി തര്‍ജിമ ചെയ്യുന്ന അമ്മയും, ഉറക്കം കെടുത്തുന്ന കഥകള്‍ കേട്ട് അച്ഛനുണ്ടാകുന്ന ആകുലതയും ഒക്കെ യൂണിവേഴ്സല്‍ ആണ്.

മോളെ വിട്ടുപിരിഞ്ഞിരിക്കുന്നതിന്റെ ആധി ഞാനും അനുഭവിച്ചിട്ടുണ്ട്. ഒരഞ്ച് മാസം, വേറൊരു നിവൃത്തിയുമില്ലാഞ്ഞ ഒരു സമയത്ത്. പിന്നെ, എന്ത് വന്നാലും വേണ്ടില്ലാന്ന് വച്ച് അവളെ കൂടെക്കൊണ്ട് പോന്നു.

ഇന്നും പക്ഷേ, അത്രയും ഭാഗ്യം ചെയ്യാത്ത അച്ഛന്മാരും അമ്മമാരും ഉണ്ട് എന്നോര്‍ക്കുമ്പോള്‍ എനിക്ക് വിഷമം തോന്നുന്നു. ആരുടെയും കുറ്റമല്ല, നിവൃത്തിയില്ലാഞ്ഞിട്ടാണ്....

Rasheed Chalil said...

ഈ പോസ്റ്റ് കാണാന് ‍ഇത്തിരി വൈകി, ഒരഛന്റെ വിങ്ങുന്ന മനസ്സാണ് താങ്കളുടെ വരികളില്‍ - ഒത്തിരിനന്നായിരിക്കുന്നു... കൂടുതല്‍ പ്രതീക്ഷിക്കുന്നു

അത്തിക്കുര്‍ശി said...

നന്ദി, ദിവാസ്വപ്നം.

കമന്റുകള്‍ മൊഡെറേറ്റ്‌ ചെയ്യുന്നൊന്നു മില്ല. ആരെങ്കിലും കമന്റെണ്ടേ!

ദൂരെയായതു കൊണ്ട്‌ അച്ഛനെ മറന്നു പോകുന്ന മോളയിരുന്നെങ്കില്‍ എന്ന് വെറുതെ ആശിച്ചു പൊവാറുണ്ട്‌!

പക്ഷെ,

ഇതു യൂണിവേഴ്സല്‍ ആകുലതക്കപ്പുറം തികച്ചും വൈയക്തികവും വെത്യസ്തവും ആയ ഒന്നു കൂടിയണ്‌!

താങ്കളുടെ ദിവ്വസ്വപ്നത്തില്‍ "താങ്കളെ ക്കുറിച്ച്‌" തുടങ്ങുന്ന രണ്ടു വാക്കുകള്‍ കൂടെ കൂട്ടി ഇതൊന്നുകൂടി വായിച്ചു നോക്കാം!

ഇത്തിരിവെട്ടത്തിന്‌,

നന്ദി, മനസ്സ്‌ വിങ്ങുന്നതു തന്നെ..
മുകളിലെ കമന്റ്‌ കൂടി ചേര്‍ത്തുവായിക്കുക!

ബിന്ദു said...

നന്നായിട്ടുണ്ട്‌, മനസ്സിന്റെ തോന്നല്‍ മാത്രമെന്നു വിശ്വസിക്കുന്നു. മകള്‍ ഒപ്പം ഉണ്ടെന്നും.

അത്തിക്കുര്‍ശി said...

തോന്നല്‍ മത്രമല്ല ബിന്ദൂ! യാഥാര്‍ത്യം കൂടിയാണ്‌!
അവളിപ്പോള്‍ നാട്ടിലാണ്‌!!
ദിവാസ്വപ്നത്തിന്റെ കമന്റിന്‌ എഴുതിയ മറുപടിയിലെ സൂചനകള്‍ ചേര്‍ത്ത്‌ വായിക്കാം!

നന്ദി, സന്ദര്‍ശനത്തിനും കമന്റിനും!!

Unknown said...

അത്തിക്കുര്‍ശി,
ആ വേദന വാക്കുകള്‍ തികച്ചും പ്രതിഫലിപ്പിക്കുന്നു. അഛനെ മറന്ന് പോയ മകള്‍ എന്നത് താങ്കളുടെ കണ്ണിലൂടെ നോക്കുമ്പോഴല്ലേ. ആ മകളുടെകണ്ണിലൂടെ ഒന്ന് കാണാന്‍ ശ്രമിച്ച് നോക്കൂ..

പ്രിയപ്പെട്ടവര്‍ എപ്പോഴും അരികിലുണ്ടാവാന്‍ ദൈവം അനുഗ്രഹിക്കട്ടെ.

അത്തിക്കുര്‍ശി said...

ദില്‍ബാസുരന്‍,

അച്ഛനെ മറന്ന്പൊകുന്ന ഒരു മകള്‍!!
പത്തു വയസ്സായിട്ടും, ഇന്നലെ മാത്രം 'അച്ഛാ' എന്നു വിളിച്ച മകള്‍!!

എന്തോ ഒരു പൊരുത്തക്കേട്‌ തോന്നുന്നില്ലേ?
നിങ്ങളുടെ സങ്കല്‍പ്പങ്ങല്‍ക്കപ്പുറത്തെ നോവുന്ന ഒരനുഭവമാണു പുറകില്‍!

സൂചനകല്‍ കൊണ്ടാര്‍ക്കുമൊന്നും മനസ്സിലായില്ലെങ്കില്‍, പിന്നീടൊരിക്കല്‍ വെളിപ്പെടുത്താം..

നന്ദി....

Unknown said...

പത്തു വയസ്സായിട്ടും, ഇന്നലെ മാത്രം 'അച്ഛാ' എന്നു വിളിച്ച മകള്‍!!

പൊരുത്തക്കേടുണ്ടെന്ന് സമ്മതിക്കുന്നു. ഇത്ര തീവ്രമായ വേദനയാണെന്ന് എനിക്ക് മനസ്സിലായില്ല. ‘സൂചനകള്‍’ ഞാന്‍ മാത്രമല്ല കാണാത്തത് എന്ന് തോന്നുന്നു. തുറന്നെഴുതൂ..

ദൈവം താങ്കള്‍ക്ക് ആശ്വാസമരുളട്ടെ!

Anonymous said...

എനിക്കതു തോന്നി..പിന്നെ കവിതയല്ലെ,
അല്ലെങ്കില്‍ തന്നെ എനിക്കൊന്നും മനസ്സിലാവാറില്ല..അപ്പൊ ഇതും അങ്ങിനെ എന്തോ കോമ്പ്ലിക്കേറ്റഡ് ആയിരിക്കുമെന്ന് കരുതി..

കരീം മാഷ്‌ said...

മക്കളെ പിരിഞ്ഞുള്ള ജീവിതം വല്ലാത്തൊരു നരകം തന്നെ

Anonymous said...

മനസ്സിലാക്കുണു.ഈശ്വരാ.മോള്‍ക്ക് കൂട്ടായി എന്നും ഈ സ്നേഹള്ള മനസ്സുണ്ടല്ലോ.10 ആം വയസ്സിലവള്‍ വിളിച്ചില്ല്യെ.So it couldnt be that bad, lle. Dont know what to say.My love and prayers with her and you both.

കുറുമാന്‍ said...

അത്തിക്കുര്‍ശിയുടെ പോസ്റ്റ് കണ്ടിരുന്നില്ല. ഇന്ന് പിന്മൊഴിയിലൂടെ അചിന്ത്യേച്ചിയുടെ ചുവട് പിന്തുടര്‍ന്നെത്തിയപ്പോഴാണ് ഇത് വായിക്കാന്‍ കഴിഞ്ഞത്.

മനസ്സില്‍ തട്ടുന്ന വരികള്‍.......(എനിക്കും രണ്ട് പെണ്മക്കള്‍)....

അത്തിക്കുര്‍ശി said...

എല്‍ ജി (ഇഞ്ചി), കരീം മാഷ്‌, അചിന്ത്യ,

മറുകുറിപ്പെഴുതാന്‍ വൈകിപ്പോയി!

നന്ദി, സന്ദര്‍ശനത്തിനും, കമന്റിനും, പിന്നെ..
അചിന്ത്യ,
സ്നേഹവും പ്രാര്‍ഥനകളും നിറഞ്ഞ മനസ്സോടെ സ്വീകരിച്ചിരിക്കുന്നു..
ഓണത്തോടടുത്ത്‌, ഒരാഴ്ചക്കവധിയെടുത്ത്‌ അവളെക്കാണാന്‍ പോണം, പിരിഞ്ഞിട്ടൊരുമാസം കഴിഞ്ഞു.

അത്തിക്കുര്‍ശി said...

കുറുമാന്‍,

കമന്റ്‌ ചൂടോടെ കിട്ടി.( ചൂടാറാതെ)നന്ദി, സന്ദര്‍ശനത്തിനും, കമന്റിനും,

പിന്നെ.. എനിക്കു രണ്ടാണ്‌ . മൂത്തത്‌ മോന്‍`.

വല്യമ്മായി said...

ഈ പോസ്റ്റ് ആദ്യം കണ്ടിരുന്നെങ്കിലും സമാനമായ ഒരു കൊച്ച് ദുഖത്തിന് ഞാനും ഉടമയായതിനാല്‍ ഒന്നും എഴുതാന്‍ തോന്നിയില്ല.

നന്നായിരുക്കുന്നു,മനസ്സിലെ ദുഖങ്ങളെല്ലാം പകര്‍ത്തൂ

അത്തിക്കുര്‍ശി said...

വല്യമ്മായി,

കമന്റ്‌ കാണാന്‍ വൈകി.നന്ദി, സന്ദര്‍ശനതിനും കമന്റുകള്‍ക്കും..
സമാനമായ കൊച്ചുദു:ഖം???
ദു:ഖങ്ങള്‍ക്കവധി നല്‍കാനാവാത്തപ്പോള്‍,
അനുഭവങ്ങള്‍ അഗ്നിപര്‍വ്വതങ്ങളാവുമ്പോള്‍, ഒരു ലാവാപ്രവാഹമായി എന്തെങ്കിലുമൊക്കെ പുറത്തുവരുന്നതു കുത്തിക്കുറിക്കുന്നു...

നന്ദി...

മുസ്തഫ|musthapha said...

അത്തിക്കുറിശി... ഇവിടെ ഇപ്പോഴാണെത്തിപ്പെട്ടത. ഒരച്ഛന്‍റെ മനസ്സ് ശരിക്കും പകര്‍ത്തിവെച്ചിരിക്കുന്നു.

എന്റെ വീട്ടിലാര്‍ക്കും പെങ്കുട്ടികളില്ലാര്‍ന്നു
എനിക്ക്‌ പെങ്ങന്മാരും! എനിക്കും.

ഉപ്പുപ്പായുടെയും ഉമ്മമ്മയുടെയും സ്നേഹം അവള്‍ക്ക് വെറും ഫോണ്‍ വിളികളില്‍ പരിമിതപ്പെടുത്തിയും നാട്ടിന്‍പുറത്തിന്‍റെ വിശാലത ഫ്ളാറ്റിലെ കുടുസുമുറിയിലേക്കൊതുക്കിയും ഞാന്‍ സ്വാര്‍ത്ഥനാവുന്നു.

ഞാനവളുടെ കുട്ടിക്കാലം ഈ മരുഭൂമിയില്‍ ഹോമിച്ച് കളയുന്നോ എന്നൊരു കുറ്റബോധം ഇടക്കിടക്കെന്നെ വേട്ടയാടുന്നു.

പക്ഷേ അവളുടെ സാമീപ്യം, നെഞ്ചിലൂടെയുള്ളൊരു കെട്ടിമറിച്ചില്‍, ഒരു ‘അവ്വ’... അതൊന്നും നഷ്ടപ്പെടുത്തനെനിക്ക് വയ്യ. ഇങ്ങിനെയൊക്കെ അങ്ങട്ട് പോകട്ടെ... പോകുന്നിടത്തോളം... അതെത്ര കാലം... അറിയില്ല (അള്ളാ കരീം)

ശാലിനി said...

ശരിക്കും മനസില്‍ തട്ടി. കമന്റുകളിലൂടെ കടന്നുപോയപ്പോള്‍ മനസ് കൂടുതല്‍ നൊന്തു. എന്റെ പ്രാര്‍ത്ഥനയിലും ഓര്‍ക്കാം മോളുവിനെ. പിന്നെ വേര്‍പാടിന്റെ നൊമ്പരം ഞാനും ശരിക്ക് അറിഞ്ഞിട്ടുണ്ട്, അതുകൊണ്ടാവാം കൂടുതല്‍ വേദനിച്ചത്. ഏല്ലാം ശരിയാവട്ടെ എന്നാശംസിക്കുന്നു.

ഇവിടെ എത്ര പേരാണ് താങ്കളുടെ ദുഖം പങ്കുവയ്ക്കാനുള്ളത്, അതോരു ആശ്വാസമാണല്ലേ.

മനോജ് കുമാർ വട്ടക്കാട്ട് said...

കമോണ്‍, അത്തീ

നാട്ടിലെ മഴയും വെയിലും പൂക്കളും കാറ്റും നിലാവും അറിഞ്ഞവള്‍ വളരട്ടെ.

വീട്ടുമുറ്റത്ത്‌ കളം വരച്ച്‌ അയല്‍പക്കത്തെ കുഞ്ഞുങ്ങള്‍ക്കൊപ്പം 'സേറ്‌' കളിച്ച്‌, കളിതോല്‍ക്കുമ്പോള്‍ മുഖം വീര്‍പ്പിച്ച്‌ കൂട്ടുകാരോടിത്തിരി നേരമവള്‍ പിണങ്ങി നില്‍ക്കട്ടെ.

മഴവെള്ളം നിറഞ്ഞൊഴുകുന്ന ഇടവഴിയിലും തോടിലും പരല്‍ മീനുകളെ തോര്‍ത്ത്‌ വിരിച്ചു പിടിക്കാന്‍ കൂട്ടുകാര്‍ക്കൊപ്പമവള്‍ വെള്ളത്തിലിറങ്ങിക്കളിക്കട്ടെ.

മഴവെള്ളത്തില്‍ കടലാസുതോണിയിറക്കി അതില്‍ പൂക്കളിറുത്തിട്ട്‌, തോണി വെള്ളത്തില്‍ കുതിര്‍ന്ന് മുങ്ങിപ്പോകാറാവുമ്പോള്‍ ചിണുങ്ങിക്കരഞ്ഞവള്‍ വെറുതെ വീട്ടുകാരിയുടെ പിന്നാലെ കൂടട്ടെ.

ഓലക്കണ്ണി വാച്ച്‌ കെട്ടി പ്ലാവിലത്തൊപ്പി വച്ച്‌ കൂട്ടുകാര്‍ക്കൊപ്പം അവള്‍ കള്ളനും പോലീസും കളിക്കട്ടെ.

ഇനി അടുത്ത വേനലവധിക്ക്‌ വരുമ്പോള്‍ അത്തിയോടിതേക്കുറിച്ചൊക്കെ പറയാനവള്‍ക്ക്‌ നൂറു നൂറു കഥകളുണ്ടാവട്ടെ...

മുസ്തഫ|musthapha said...

പടിപ്പുരേ,

നാട്ടിലെ മഴയും വെയിലും പൂക്കളും കാറ്റും നിലാവും 'സേറ്‌' കളിയും, മഴവെള്ളം നിറഞ്ഞൊഴുകുന്ന ഇടവഴിയിലും തോടിലും പരല്‍ മീനുകളെ തോര്‍ത്ത്‌ വിരിച്ചു പിടിക്കലും‍ മഴവെള്ളത്തില്‍ കടലാസുതോണിയിറക്കി അതില്‍ പൂക്കളിറുത്തിട്ട്‌ കളിക്കലും ഓലക്കണ്ണി വാച്ച്‌ കെട്ടി പ്ലാവിലത്തൊപ്പി വച്ച്‌ കൂട്ടുകാര്‍ക്കൊപ്പം കള്ളനും പോലീസ് കളിയും... ഇതൊക്കെ പുതുബാല്യങ്ങളും അനുഭവിച്ചറിയുന്നുണ്ടോ...!!! അറിയില്ല.

അത്തിക്കുര്‍ശി said...

കമന്റുകള്‍ വൈകിയാണ്‌ കണ്ടത്‌.

അഗ്രജന്‍,

താങ്കളുടെ സ്വാര്‍ത്ഥത എനിക്കുള്‍കൊള്ളനാവുന്നുണ്ട്‌.. ഉപ്പുപ്പയുടെ ഉമ്മമ്മാടെ സ്നേഹം ഫോണിലൂടെയെങ്കിലും അവള്‍ക്ക്‌ മനസ്സിലാകുന്നുവല്ലൊ?

ശാലിനി,

പ്രാര്‍ത്ഥനകളില്‍ ഉല്‍പെടുത്തുന്നതിനു നന്ദി. ഇവിടെ വേര്‍പാടിന്റെ ദു:ഖം മാത്രമല്ല!

പടിപ്പുര,

അഗ്രജന്‍ പറയുന്നപോലെ ഇതെല്ലാം പുതു ബാല്യങ്ങള്‍ക്ക്‌ അന്യമാണ്‌.

പിന്നെ, നാട്ടിലെ മഴയും വെയിലും പൂക്കളും കാറ്റും നിലാവും അവള്‍ക്ക്‌ ഒന്നും അറിയാനോ ആസ്വദിക്കാനോ ആവില്ല. മുഖം വീര്‍പിക്കാ നും, കൂട്ടുകാരും കുറവ്‌! താങ്കളുടെ സങ്കല്‍പ്പ്പത്തിലെ ഒരു കളിയും അവള്‍ക്കാവില്ല.. ഒരു നൂറു കഥ പൊയിട്ടൊരു വാചകം പറഞ്ഞിരുന്നെങ്കില്‍! ഡോക്ടര്‍ പറഞ്ഞതുപോലെ, അവള്‍ പടച്ചവന്റെ ഒരു 'അമാനത്ത്‌' മാത്രം!

24ന്‌ വൈകുന്നേരം നോന്‍പുതുറന്ന്‌ ധ്രുതിയില്‍ എയര്‍ പോര്‍ടിലേക്ക്‌ തിരിക്കുമ്പോള്‍ അവളുടെ കവിളില്‍ മുത്തം കൊടുത്തു പിരിയുമ്പോള്‍ പൊടിഞ്ഞ കണ്ണുനീരിനു ശേഷം താങ്കളുടെ കമന്റുകള്‍ വായിച്ചപ്പ്പ്പോള്‍ വീണ്ടും!

നന്ദി.

അത്തിക്കുര്‍ശി said...

ഫോട്ടോ ഇട്ടിട്ടുണ്ട്‌!

സു | Su said...

ദൈവാനുഗ്രഹത്താല്‍, മോള്‍ മിടുക്കിയായി ഇരിക്കട്ടെ എന്നും. :)

മനോജ് കുമാർ വട്ടക്കാട്ട് said...

സു പറഞ്ഞത്‌ ആവര്‍ത്തിക്കുന്നു-
ദൈവാനുഗ്രഹത്താല്‍ അവള്‍ മിടുക്കിയായിരിക്കട്ടെ. അവള്‍ക്കായി ഇങ്ങിനെ കുറെപ്പേരുടെ പ്രാര്‍ത്ഥന കൂടെയുണ്ടെന്ന് സമാധാനിക്കുക.

വാളൂരാന്‍ said...

അത്തീ.... വൈകിവന്ന ബ്ലോഗനായ കാരണം പലേ പോസ്റ്റുകളും മിസ്സായിട്ടുണ്ട്‌. ലിങ്ക്‌ തന്നതിന്‌ നന്ദി. വാക്കുകള്‍ വികാരമാവുന്നു. ജീവിതം അവസാനം നഷ്ടങ്ങളുടെ കണക്കെടുപ്പു മാത്രമോ... അറിയില്ല......

പച്ചാന said...

സുന്ദരിക്കുട്ടിയ്ക്ക് ഒരു ഇത്താത്തയുടെ ആശംസകള്‍

ഇടിവാള്‍ said...

കമന്റുകള്‍ വായിക്കേണ്ടിയിരുന്നില്ലെന്നൊരു തോന്നല്‍ ;(

എല്ലാം നന്നായിവരാന്‍ പ്രാര്‍ത്ഥിക്കാം !

Anonymous said...

അയ്യൂ....പ്ലീസ്സ് ആ സുന്ദരിക്കുട്ടിക്കെന്താ പറ്റിയേ? എനിക്കൊന്നും മനസ്സിലാവണില്ലല്ലൊ..
വേദനിക്കില്ലെങ്കില്‍ പറയൂ...പ്ലീസ്...

ലിഡിയ said...

സാര്യല്ലാടോ..

ഇത്രയും കാലത്തെ ജീവിതത്തെ ഒന്ന് പിന്തിരിഞ്ഞ് നോക്കിക്കേ..എത്രയിടങ്ങളില്‍,എത്ര മുനമ്പുകളില്‍ ഈശ്വരന്‍ നമ്മേ കൈപിടിച്ച് മുന്നോട്ട് നടത്തിയിരിക്കുന്നു.അവന്റെ ദൃഷ്ടിക്ക് മുന്‍പില്‍ നമ്മുടെ കാഴ്ചകളെല്ലാം ഹൃസ്വമല്ലേ...

എല്ലാം നല്ലതിനായി തീരും എന്ന് വിശ്വസിക്കുക.പ്രാര്‍ത്ഥിക്കുക..എല്ലാം നല്ലതായി കലാശിക്കും.

വിശ്വാസത്തിന് വന്മലകളെ പോലും വഴിമാറ്റാന്‍ കഴിവുണ്ടെന്ന് എഴുതിവച്ചിരിക്കുന്നു.

-പാര്‍വതി.

Anonymous said...

നല്ല മിടുക്കിക്കുട്ടി.

എല്ലാര്‍ക്കും എന്തെങ്കിലും സങ്കടം ഉന്ടാവും. :(
കുട്ടികളും ഭര്‍ത്താവും കൂടെയുള്ള എനിക്ക് നാട്ടിലുള്ള മാതാപിതാക്കളെയും പിന്നെ സഹോദരങ്ങളെയും കാണാന്‍ പറ്റുന്നില്ലല്ലോ എന്ന സങ്കടം!

Anonymous said...

അയ്യോ, മോളു നാട്ടിലായ കൊന്ടുള്ള വിഷമമാണെന്നാ ഞാന്‍ വിചാരിച്ചത്, പിന്നെ കമന്റെല്ലാം കൂടി വായിച്ചപ്പോള്‍......:(
സാരമില്ല, എല്ലാം നന്നായിവരും.

ദേവന്‍ said...

അത്തിക്കുര്‍ശീ
പിന്മൊഴി വഴി ഇന്നാണിതു കണ്ടത്‌. അചിന്ത്യ പറയുമ്പോലെ പറയുമ്പോലെ സംസാരിച്ചു തുടങ്ങിയ സ്ഥിതിക്ക്‌ വേഗം ഇനി പിക്ക്‌ അപ്പ്‌ ചെയ്യുമെന്നാണ്‌ എനിക്കും തോന്നുന്നത്‌. അബുധാബിയിലുള്ള എന്റെ ഒരു ബന്ധുവിന്റെ മകന്‍ അങ്ങനെ അഞ്ചെട്ടുവര്‍ഷം താമസിച്ചു തുടങ്ങിയതാണ്‌, പതിനഞ്ചാം വയസ്സില്‍ അവന്‍ മറ്റുകുട്ടികളോളം സംസാരിക്കാമെന്നായി.

റമദാന്റെ ഈ പുണ്യമാനാളില്‍ മോള്‍ക്കുവേണ്ടി പ്രാര്‍ത്ഥിക്കുന്നു.

Anonymous said...

വിഷമിക്കേണ്ട....

കുറിഞ്ഞി പൂച്ചക്കുട്ടിയുടെ ശാപവുമല്ല....

ഈ സുന്ദരിക്കുട്ടി നിങ്ങള്‍ക്കു ദൈവം തന്ന വരദാനം ആണു.... എന്തിനെന്നോ?... അറിയാതെ ചെയ്യ്ത കുസൃതിക്ക്‌ ആവശ്യത്തിലേറെ പശ്ച്ചാത്തപിച്ചതിനു.....

എങ്ങനെ ഇതു വരദാനമെന്നൊ?.... അവളുടെ മനസ്‌ എന്നും എപ്പോഴും മാലാഖമാരുടെ പോലെ നിഷ്കളങ്കമായിരിക്കും .... യേശുദേേവനേപ്പോലെ... നിസ്വാര്‍ഥ സ്നേഹമായിരിക്കും....

അവള്‍ എങ്ങനെ ഭാഗ്യവതിയെന്നോ?...... നിങ്ങളുടെ മകളായി ജനിക്കാന്‍ കഴിഞ്ഞതില്‍.........

മകള്‍ക്കു സെറിബ്രല്‍ പാള്‍സി ആണോ?.. അതോ മേറ്റെന്തെങ്കിലും?.... നിങ്ങള്‍ക്കും മകള്‍ക്കും ശരിയായ പ്രൊഫഷണല്‍ ഹെല്‍പ്‌ ലഭിക്കുന്നുണ്ടോ?... വേറൊന്നും കൊണ്ടല്ല ചോദിച്ചതു... നാട്ടിലേയും, ഗള്‍ഫിലെയും health care delivery is not optimal / adequate ... (having been raised in gulf , med school in kerala, and MD in USA... I think I have experienced all these...)

I am sure that u must have been accessing websites and other resourses all these while in the last 10 years, as I can see that u are computer savvy yourself....

but there must be something somebody ( here in our boolokam) could do to ease away your pain... please help us help you!...

I sincerely hope that it wasnt a result of a 'mistake' by health care providers at the time of her birth.. if it is , it saddens me even more.


molkku chakkarayummakal...... :)

ഏറനാടന്‍ said...

അത്തിക്കുര്‍ശീ,

നിങ്ങളുടെ മകള്‍ക്ക്‌ സുഖമാവട്ടെ.

ഓരോര്‍ത്തര്‍ക്കോരോരോ പ്രശ്‌നങ്ങളും പരീക്ഷണങ്ങളും! ദൈവം സ്വര്‍ഗ്ഗപൂന്തോപ്പിലെ സിംഹാസനത്തില്‍ ഇരുന്നുകൊണ്ട്‌ ഇഷ്‌ടദാസന്‍മാരെ പരീക്ഷണവിധേയരാക്കും. അത്‌ തരണം ചെയ്യുന്നവര്‍ക്ക്‌ രക്ഷയുണ്ട്‌.

സന്മനസ്സുള്ളവര്‍ക്ക്‌ സമാധാനം.

myexperimentsandme said...

അത്തിക്കുര്‍ശീ, എന്താണ് പറയേണ്ടതെന്നറിയില്ല. എല്ലാം ശരിയാവട്ടെ. പ്രാര്‍ത്ഥനകള്‍ എപ്പോഴുമുണ്ടാവും.

അത്തിക്കുര്‍ശി said...

സു, പടിപ്പുര, ഇടിവാള്‍, ആര്‍ പി :
പ്രാര്‍ത്ഥനകള്‍ക്ക്‌ നന്ദി,

മുരളി,

എനിക്കുമറിയില്ല.

പച്ചാന: നന്ദി

ഇഞ്ചി: താഴെ അനൊണിയുടെ കമന്റുകള്‍ ശരിയാണ്‌. ഇനിയും അറിയനമെങ്കില്‍ മെയില്‍ അയക്കാം,

പാര്‍വതി: ശരിയാണ്‌, അവന്‍ പല മുനമ്പുകളിലും രക്ഷക്കെത്തും. വന്മലകളെ മറ്റാന്‍ കഴിവുള്ള ഒരു വിശ്വാസിയാകാന്‍ പോലും എനിക്കാവുന്നില്ലല്ലോ?

ദേവാ; ആ കേസ്‌ എന്തായിരുന്നു! താഴെ അനോണി ഡൊക്റ്റര്‍ സൂചിപ്പിച്ചതു വല്ലതും. ഒരു മെയിലിടാമോ?

ഏറനാടന്‍: പ്രാര്‍ത്ഥനകള്‍ക്ക്‌ നന്ദി! പരീക്ഷണങ്ങള്‍ ഇതുമാത്രമല്ല..

അനോണി: താങ്കളുടെ ഊഹം ശരിയാണ്‌. കാരണവും താങ്കളൂഹിച്ചത്‌ തന്നെ! വരദാനം- അവളുടെ ഉമ്മയും ( മാനസികമായി തളര്‍ന്നതു കാരണം 4 വര്‍ഷമായി ചികില്‍സയിലാണ്‌) പറയും.. അവളുടെ നിഷ്കളങ്കതകൊണ്ട്‌ അവള്‍ സ്വര്‍ഗത്തിലെത്തും. അവളുടെ ശുപാര്‍ശയില്‍ നമ്മളും എന്ന്‌! ഭാഗ്യവതി- അവളുടെ സ്കൂളിലെ മറ്റുള്ളവരെ കാണുമ്പോള്‍ ചിലപ്പ്പോള്‍ തോന്നാതില്ല!
ഒരു മെയിലിടുമൊ? abdussalama@petrofac.ae

Anonymous said...

"അനോണി:കാരണവും താങ്കളൂഹിച്ചത്‌ തന്നെ! "

I am shocked and deeply disturbed.

I wish to apologize, on behalf of the people who were directly or indirectly responsible for this ...... I am ashamed of how some individuals in 'our' community can affect the life of an entire family adversely, and yet go scot-free, without having any remorse whatsoever, as they are conveniently and blissfully ignorant of the ramifications of their actions for years to come.

but you didnt respond to this request.... " please help us help you "... please let us know what we can do for you.

hope your wife is able to cope with this by now.

dr.anony??

Dr.anonymous .

അനംഗാരി said...

ക്ഷമിക്കണം അത്തി, ഇപ്പോഴാണ് കാണാന്‍ കഴിഞ്ഞത്. എന്റെ ഒരു കൂട്ടുകാരന്റെ മകന്‍ ഇതുപോലെയായിരുന്നു. ഒന്നും പറയില്ല. ഒടുവില്‍ മദാമ്മമാര്‍ അവനെ സൈന്‍ ലാംഗ്വേജ് പഠിപ്പിക്കണമെന്ന് ആവശ്യപ്പെട്ടു. അല്‍ഭുതം എന്നേ പറയേണ്ടൂ. ഇപ്പോള്‍ അവന്‍ സംസാരിക്കും.സ്കൂളില്‍ പോയി തുടങ്ങി. മിടുക്കനായി വളരുന്നു. എല്ലാം നേരെയാകുമെന്ന് പ്രതീക്ഷിക്കാം.ദൈവം അനുഗ്രഹിക്കട്ടെ.

Adithyan said...

അത്തിക്കുര്‍ശി...

നാളെ ഒരു മെച്ചപ്പെട്ട ദിവസമായിരിയ്ക്കും എന്ന പ്രതീക്ഷയാണല്ലോ നമ്മളെ മുന്നോട്ടു നയിക്കുന്നത്...

സ്നേഹം, സമാധാനം.

ദേവന്‍ said...

മാഷേ
ഏതാണ്ട്‌ അനംഗാരി പറഞ്ഞതുപോലെ തന്നെയാണ്‌ ഞാന്‍ പറഞ്ഞ എന്റെ കസിന്റെ മകന്റെ കാര്യവും. അവന്‍ നൂറുശതമാനം മറ്റുകുട്ടികള്‍ക്കൊപ്പം എത്തിക്കഴിഞ്ഞില്ലെങ്കിലും. അവനു സംസാരിക്കാനും എഴുതാനും പഠിക്കാനും കഴിയുന്നുണ്ട്‌. [ഞാന്‍ മെയില്‍ അയക്കാം, താങ്കള്‍ നാട്ടിലാണെന്നും ഇവിടെ കൊടുത്തിരിക്കുന്നത്‌ ഓഫീസ്‌ വിലാസമാണെന്നും തോന്നുന്നല്ലോ] .

സെറിബ്രല്‍ പാള്‍സി തന്നെ ആണ്‌ അവനും. (അനോണി ഡോ. പറയാതെ പറഞ്ഞ പോലെ) അവനെ പ്രസവിക്കുമ്പോള്‍ ഡോക്റ്റര്‍ ഉപയോഗിച്ച ഫോര്ഴ്‌സെപ്സ്‌ തലയോട്ടിയിലേല്‍പ്പിച്ച ക്ഷതമാവാം കാരണമെന്ന് വിശ്വസിക്കപ്പെടുന്നു. അവന്‍ പോകുന്ന സ്കൂളിനു മാസം 2500 ദിര്‍ഹം ഫീസുണ്ട്‌, പ്രയോജനപ്രദമാണോ എന്നു ചോദിച്ചാല്‍, ഡോ. അനോണി പറഞ്ഞതുപോലെ അമേരിക്കയിലോ യൂറോപ്പിലോ ഉള്ളതുപോലെ ഫലപ്രദമായ ഒരു റീഹാബിലിറ്റേഷന്‍ സ്കീം ഇല്ല ഇവര്‍ക്ക്‌. പക്ഷേ നാട്ടില്‍ ഇതുപ്പൊലും ഇല്ലല്ലോ. അതുകൊണ്ട്‌ മോനെ ഇവിടെ നിര്‍ത്തി. അവന്‍ പെട്ടെന്ന് ഒരു ദിവസം സംസാരവും തുടങ്ങി, ഇപ്പോള്‍ എഴുതുകയും ചെയ്യും (12 വയസ്സ്‌ ആയിട്ടുണ്ടാവണം)

ആയുര്‍വേദത്തില്‍ ഒരു പക്ഷേ കുറച്ചൊക്കെ ഗുണം ചെയ്യുന്ന മരുന്നുകള്‍ കണ്ടേക്കാം, ഉറപ്പില്ല.

Unknown said...

ദേവേട്ടാ,
ആയുര്‍വേദത്തില്‍ ബ്രഹ്മീഘൃതം, മാനസമിത്രവടകം ഒക്കെ ഉപയോഗിച്ച് എന്തോ ചികിത്സ കണ്ടിട്ടുണ്ട്.

വല്യമ്മായി said...

കുമ്പളങ്ങ ചേര്‍ന്ന മരുന്നുകളും നല്ലതല്ലേ.മരുന്നിനുപയോഗിക്കുന്ന കുമ്പളങ്ങ ഇവിടെ കിട്ടുമോ ദേവേട്ടാ.In UAE the occupational therapists mainly uses sensory integration techniques to develop the skills.

അത്തിക്കുര്‍ശി said...

അനോണി ഡോക്ടര്‍ ഞാന്‍ ഒക്ടൊ: 1ന്‌ തന്നെ മെയില്‍ അയച്ചിരുന്നു. ഇന്ന്‌ വീണ്ടും അയച്ചിട്ടുണ്ട്‌.

ദേവരാഗം, ഞാന്‍ സെപ്ത:24ന്‌ തന്നെ തിരിച്ചെത്തി. മെയില്‍ അയക്കുക.

ആദി, അനംഗാരി.. നന്ദി.

സെറിബ്രല്‍ പാള്‍സി ,അനുബന്ധമായ മെന്റല്‍ റിട്ടാര്‍ഡേഷന്‍ + എപിലെപ്സി. പ്രസവ സമയത്ത്‌ ഹോസ്പിറ്റലില്‍ നിന്നു പറ്റിയത്‌., ശ്വാസ തടസ്സം മൂലം ബ്രയ്‌ന്‌ സെല്ലുലള്‍ നശിച്ചു പോയതെന്ന്‌ വിദഗ്ദര്‍!
നാട്ടില്‍ കിട്ടാവുന്നതും, ആരെങ്കിലും പറഞ്ഞു കേള്‍ക്കുന്ന എല്ലാ ചികില്‍സയും നല്‍കിയിരുന്നു..
Nueoro, psychologist, psychatryist, physiotherapist, Ayurveda, Homeo etc....

അവസാനം സര്‍വരോഗ നിവാരണ ഔഷധം കണ്ടു പിടിച്ച ഫെയര്‍ ഫാര്‍മ മജീദെന്ന 'അമാനുഷനെ' വരെ കണ്ടു നോക്കി. ( ഭാവിയില്‍ അവസാനം ഒരു ഖേദം അവരുതെന്നോര്‍ത്ത്‌!,).

ദൈവത്തിന്റെ പരീക്ഷണങ്ങള്‍?

Kalesh Kumar said...

ദേവേട്ടന്റെ കമന്റിന്റെ പിന്നാലെയാണിവിടെ എത്തിയത്.
ഞാനെന്ത് പറയാനാ?
ചങ്ക് പൊട്ടുന്നു....

മകള്‍ക്ക് വേഗം സുഖമാകാന്‍ ദൈവം അനുഗ്രഹിക്കട്ടെ എന്ന് കണ്ണീരോടെ പ്രാര്‍ത്ഥിക്കുന്നു.

Rasheed Chalil said...

അത്തികുര്‍ശിമാഷേ ദേവ്ജിയുടെ കമന്റാണ് എന്നെ വീണ്ടും ഇവിടെ എത്തിച്ചത്. താങ്കള്‍ തിരിച്ചെത്തിയ വിവരം അറിഞ്ഞിരുന്നില്ല.

പിന്നെ എല്ലാം ശരിയാവും. ഞാനടക്കം ഒത്തിരിപേരുടെ ഉള്ളറിഞ്ഞ പ്രാര്‍ത്ഥനയുണ്ട് കൂട്ടായി. ധൈര്യമായിരിക്കൂ.

Kalesh Kumar said...

ഇനി നാട്ടില്‍ പോകുമ്പോള്‍ തിരുവനന്തപുരത്തുള്ള ഡോ.ഹരീന്ദ്രന്‍ നായരെ കൂടെ ഒന്ന് പോയി കാണണം. (പങ്കജകസ്തൂരി വികസിപ്പിച്ചെടുത്തയാളാണദ്ദേഹം) എന്റെ പ്രിയ സുഹൃത്ത് സജിത്തേട്ടന്റെ അടുത്ത സുഹൃത്താണദ്ദേഹം. അദ്ദേഹത്തിനെക്കൊണ്ടെന്തേലും സാധിക്കുമോന്നൊന്ന് ശ്രമിക്കുന്നതില്‍ തെറ്റുണ്ടോ? മോണേണ്‍ മെഡിക്കല്‍ സയന്‍സ് എഴുതി തള്ളിയ പല അസുഖങ്ങളും അദ്ദേഹം ചികിത്സിച്ച് ഭേദമാക്കിയ കഥകള്‍ സ്വകാര്യ സംഭാഷണങ്ങളില്‍ നിന്ന് കേട്ടിട്ടുണ്ട് ഞാന്‍. അദ്ദേഹത്തെക്കൊണ്ട് പറ്റുമെങ്കില്‍ അദ്ദേഹമത് ആദ്യം തന്നെ പറയും.

അതൊന്ന് നോക്കണം.

ദേവന്‍ said...

ദില്‍ബാ . സ്ട്രോക്ക്‌ വന്ന ഒരാളിനെ തിരിച്ചു സംസാരത്തിലേക്ക്‌ കൊണ്ടു വന്ന ഒരു കേസേ എനിക്ക്‌ ആകെ നേരിട്ടറിയൂ.
[ആയുര്‍വേദികള്‍ ആരും ബൂലോഗത്ത്‌ ഉള്ളതായി അറിയില്ല , പക്ഷേ ആയുര്‍വേദത്തില്‍ അറിവുള്ള ഒരു അല്ലോപ്പാത്ത്‌ ഉള്ളതായിട്ട്‌ അറിയാം. പുള്ളി കൊത്തുമെന്ന് കരുതി ഒരു ചൂണ്ടയിട്ടു നോക്കിയതാ ആ ഹിന്റില്‍ ]
വല്യമ്മായി ഇവിടെ അപൂര്‍വ്വമായി (സണ്‍ റൈസിലും ഹമറിയ മാര്‍ക്കറ്റിലും) കാണാറുണ്ട്‌ ശരിയായ കൂശ്മാണ്ടം. തടിയങ്കായ പോലെ അമ്മിയുടെ വലിപ്പമില്ലാത്ത. ഒരു പപ്പയയെക്കാള്‍ വളരെയൊന്നും വലുതാകാത്ത നിറയേ വെള്ള രോമങ്ങളുള്ള, നല്ല പച്ച നിറവുമുള്ള കുമ്പളങ്ങാ.

സെന്‍സറി ഇന്റഗ്രേഷന്‍ കുട്ടിയുടെ ചലങ്ങള്‍ നിയന്ത്രിക്കുന്ന രീതികള്‍ അല്ലേ, അതോ സ്പീച്ച്‌ തെറാപ്പിയും അതില്‍ ഉള്‍പ്പെടുന്നതാണോ?

അത്തിക്കുര്‍ശി said...

മുത്തിള്‍ എന്നു ഞങ്ങളുടെ നാട്ടില്‍ പറയുന്ന ഒരു വള്ളിയുടെ ഇല, കുംബളങ്ങ യും ചേര്‍ത്തരച്ചു തല മൊട്ടയടിച്ച്‌ തലയില്‍ പൊതിയുക.., സരസുതാരിഷ്ഠം, ഘൃതം, ക്ഷീരബല (101) (ബുദ്ധി വികാസത്തിന്‌), പഞ്ചമുഖ രുധ്രാക്ഷം, തേന്‍/വയമ്പ്‌ മുതലായവ ( സംസാരം ശരിയാവാന്‍), ഉഴിച്ചില്‍, പിഴിച്ചില്‍, ധാര, ഞവരക്കിഴി, വസ്തി തുടങ്ങി മൂവ്‌മന്റ്‌ & ഓവറാള്‍ ഡെവെലെപ്മെന്റിനും.. അനന്തപുരിയില്‍ മൂന്നുമാസം താമസിച്ചു ആയുര്‍വേദ കൊളേജിലെ പ്രോഫസറുടെ മ്മെല്‍ നോട്ടത്തില്‍ നടത്തിയിരുന്നു..

അപ്പ്പ്പോഴേക്കും അടുത്ത പരീക്ഷണം... മോന്‌ എലിപ്പനി!!

വല്യമ്മായി said...

sensory integration പൊതുവേയുള്ള സ്വഭാവ രൂപികരണത്തിനും നല്ലതാണ്. ബയോഫീഡ്ബാക്ക് എന്ന ഒരു റ്റെക്നിക്കും ബുദ്ധി വികാസത്തിനു നല്ലതാണ്.ബ്രെയിനില്‍ നശിക്കാതെയുള്ള സെല്ലുകളെ സ്റ്റിമുലേറ്റ് ചെയ്യും എന്നു തോന്നുന്നു.

ദേവന്‍ said...

മുകളിലെ കമന്റില്‍ എനിക്കു തെറ്റു പറ്റി. ചലങ്ങള്‍ അല്ല ചലനങ്ങള്‍. ക്ഷമ.

അത്തിക്കുര്‍ശി, ഞാന്‍ മെയിലയച്ചിട്ടുണ്ട്‌.

തറവാടി said...

പ്രിയത്തിക്കുറ്ശീ , ആതമാര്ഥമായിത്തന്നെ പ്രാര്‍ത്തിക്കം , എല്ലാം ശരിയാകുമെന്ന് പ്രത്യാശികാം

അരവിന്ദ് :: aravind said...

അത്തിക്കുര്‍ശീ..
ഇപ്പോഴാണ് കണ്ടത്. നടുക്കമുണ്ട്.പക്ഷേ ദൈവത്തിന്റെ ഇഷ്ടമല്ലേ, നമ്മള്‍ ആര്? അദ്ദേഹത്തിന്റെ പ്ലാന്‍ ആര്‍ക്ക് മനസ്സിലാകാന്‍?

എന്റെ പ്രാര്‍ത്ഥനകള്‍.
ഷി ഈസ് സ്പെഷ്യല്‍. വെരി വെരി സ്പെഷ്യല്‍. ദൈവം അനുഗ്രഹിക്കും, ഉറപ്പ്.

അത്തിക്കുര്‍ശി said...

ദൈവത്തിന്റെ പരീക്ഷണങ്ങള്‍ക്കായി എനിക്ക്‌ വേറൊരു ബ്ലൊഗ്ഗുതന്നെ വേണ്ടിവരുമെന്നു തോന്നുന്നു.

കലേഷ്‌,

തീര്‍ച്ചയയും ഡോ: ഹരീന്ദ്രന്‍ നായരെ അടുത്ത തവണ പൊവുമ്പൊല്‍ കാണാന്‍ ശ്രമിക്കാം.

ദേവാ, മെയിലുനു നന്ദി, മറുമെയിലിട്ടിട്ടുണ്ട്‌.

തറവാടീ, വല്ല്യമ്മായി ഇത്തിരിവെട്ടാം, അരവി, നന്ദി.

മുസ്തഫ|musthapha said...

മോള് നാട്ടിലായത് കൊണ്ടുള്ള വിഷമമാണെന്നാണ് ഞാന്‍ വിചാരിച്ചത്... ഇപ്പോ വായിച്ചപ്പോഴാണ് അറിഞ്ഞത്... എന്താ പറയേണ്ടതെന്നറിയില്ല അത്തിക്കുറിശ്ശി... എല്ലാം ശരിയാകട്ടെ എന്ന് ആത്മാര്‍ത്ഥമായി ദൈവത്തോട് പ്രാര്‍ത്ഥിക്കുന്നു.

ഒന്നുമറിയാതെ എഴുതിയ കമന്‍റുകളിലൂടെ ഏതെങ്കിലും തരത്തില്‍ താങ്കളെ ഞാന്‍ വേദനിപ്പിച്ചിട്ടുണ്ടെങ്കില്‍ കണ്ണീരോടെ ക്ഷമ ചോദിക്കുന്നു സഹോദരാ...

മോള്‍ക്ക് ദൈവം നല്ലത് വരുത്തട്ടെ.

magnifier said...

അത്തിക്കുര്‍ശീ,
“നാം മനുഷ്യര്‍ ഒരിടത്ത് വാതില്‍ പണിത് കാത്തിരിക്കും, ദൈവം മറ്റൊരിടത്ത് വേലി പൊളിച്ചു കയറും”എന്ന് കേട്ടിട്ടില്ലേ...താങ്കളുടെ ഹൃദയ നന്മയാലും, ഇവിടെയുള്ള എല്ലാവരുടെ പ്രാര്‍ഥനയാലും എവിടെയെങ്കിലും ഒരു വേലിപ്പഴുത് ദൈവം കണ്ടുപിടിക്കാതിരിക്കില്ല...പ്രാര്‍ഥിക്കാം ഞാനും.

അനംഗാരി said...

ദേവാ, സ്ട്രോക്ക് വന്ന് സംസാര ശേഷി നഷ്ടപ്പെട്ടത് , ആയുര്‍വ്വേദം മൂലം തിരികെ കിട്ടിയ മൂന്ന് കേസ് എനിക്കറിയാം.ഒന്ന് എന്റെ അടുത്ത സുഹൃത്ത്.മറ്റൊന്ന് എന്റെ ഒരു നാട്ടുകാരനും പരിചയക്കാരനും. അത്തീ ഞാന്‍ ഒരു അഡ്രസ്സ് തരാം, വിവരങ്ങള്‍ ഒന്ന് ചോദിച്ച് നോക്കൂ. എന്റെ പേരു പറഞ്ഞാല്‍ മതി.വ്യക്തമായി വിവരങ്ങള്‍ പറഞ്ഞ്, ഉത്തമ ബോധ്യമുണ്ടെങ്കില്‍ മാത്രം ചികിത്സ ചെയ്താല്‍ മതി. അദ്ദേഹം ആയുര്‍വ്വേദ എം.ഡി.ന്യൂറോളജിസ്റ്റ് ആണ്.ആവശ്യമുണ്ടെങ്കില്‍ എനിക്ക് മെയില്‍ ചെയ്യൂ. ഞാനും അദ്ദേഹവുമായി സംസാരിക്കാം. ഒരു മെച്ചമുള്ളത്, അവര്‍ ഡോക്ടര്‍മാരുടെ ഒരു സംഘമായി ഒരു പാട് ചര്‍ച്ചകളും, ഗവേഷണങ്ങളുമൊക്കെ ചെയ്യുന്നവരാണ്.അതുകൊണ്ട് എന്തെങ്കിലും ഒരു തുമ്പ് കിട്ടാതിരിക്കില്ല.

അത്തിക്കുര്‍ശി said...

നന്ദി,

അഗ്രജന്‍,

വേദനിപ്പിക്കാന്‍ വേണ്ടി താങ്കളൊന്നും പറഞ്ഞില്ലല്ലൊ! ശരിക്കും പറഞ്ഞാല്‍, ഒരോ കമന്റും ഒരു തരത്തിലല്ലെങ്കില്‍ മറ്റൊരുതരത്തില്‍ ആശ്വാസമാണ്‌.

മാഗ്നിഫയര്‍, ഒരു സൂചിപ്പഴുതെങ്കിലുമാണെന്റെയും പ്രതീക്ഷ!

അനംഗാരി,

മേല്‍ വിലാസം നല്‍കുക, ഞാന്‍ മെയിലിടാം, തീര്‍ചയായും ഞാന്‍ താങ്കള്‍ വഴി ഡോക്റ്ററുമായി ബന്ധപ്പെടാം..

അനംഗാരി said...

അത്തീ, എനിക്ക് ഇ മെയില്‍ ചെയ്യൂ.
anamgari@gmail.com

അത്തിക്കുര്‍ശി said...

അനംഗാരി, മെയില്‍ അയച്ചിട്ടുണ്ട്‌`.

എന്റെ ഈ പോസ്റ്റ്‌ വഴി എന്നെ ബന്ധപ്പെട്ട ഡോക്ടര്‍മാര്‍ക്ക്‌: ഡോ: സുനില്‍ യു എസ്‌ എ, ഡോ:ദാസ്‌ കേരളം, ഡോ: പണിക്കര്‍, നോര്‍ത്‌ ഇന്‍ഡ്യ, ഡോ: ദാസ്‌ മുഖേന എനിക്കു വേണ്ടി ഡോ: ഷാജി, അങ്കമാലിയോട്‌ സംസാരിച്ച ഡോ: ജോസ്‌ പൈകട..., ഡോ;ഷാജി. എല്ലാര്‍ക്കും എന്റെ നന്ദി.. പിന്നെ എന്റെ എനിക്കു മെയിലുകളയച്ചും, കമന്റുകളിട്ടും ആശ്വസിപ്പിച്ച എല്ലാര്‍ക്കും നന്ദി..

പേര്‍സണല്‍ മെയിലുകളയച്ച വല്ല്യമ്മായി, തറവാടി, അതുല്യ, ദേവരാഗം എല്ലാര്‍ക്കും നന്ദി..

Siji vyloppilly said...

ഞാനിവിടെ വന്ന് ഇത്‌ വായിച്ചിട്ടുണ്ട്‌,അന്ന് കമന്റിടാന്‍ ഒരുപാട്‌ ശ്രമിച്ചതാണ്‌.പക്ഷെ എന്തുകൊണ്ടോ അത്‌ പറ്റിയിരുന്നില്ല. ഡിസേബിളായ ഒരുകുട്ടി ജനിക്കുമെന്ന് മെഡിക്കല്‍ സയന്‍സ്‌ വിധിയെഴുതി അതിനെ കരഞ്ഞും ,മറ്റുള്ളവരുടെ ദുഖം എന്റേതിനേക്കാള്‍ എത്രവലുതാണെന്നുമോര്‍ത്ത്‌ സമാധാനിച്ചും കഴിഞ്ഞ നാളുകള്‍ എനിക്കുമുണ്ടായിരുന്നു.ദൈവകാരുണ്യമെന്നു പറയട്ടേ (അങ്ങിനെ തന്നെ പറയണം) ഒരുകുഴപ്പവുമില്ലാതെ കുട്ടി ജനിച്ചു.ഇത്‌ ഞാന്‍ മുന്‍പ്‌ പലയിടത്തും എഴുതിയിട്ടുണ്ട്‌,എങ്കിലും ഇവിടെ വന്ന് കുറിച്ചിടാതെ വയ്യ. ജീവിതത്തില്‍ നിന്നുള്ള അനുഭവങ്ങള്‍ കഥയാക്കാന്‍ അറിയില്ല.
ചില വേദനകള്‍ അനുഭവിച്ചാലെ മനസ്സിലാകൂ. സമാധാനിപ്പിക്കാന്‍ വരികളില്ല.

ചാത്തങ്കേരിലെ കുട്ടിച്ചാത്തന്‍. said...

വളരെ ഹ്രിദ്യമായി ത്തോന്നി...ദൈവം കരുണാമയനണ്. നിങ്ങളെ അനുഗ്രഹിക്കട്ടേ...

അപ്പു ആദ്യാക്ഷരി said...

അത്തിക്കുര്‍ശിമാഷേ.. ഈ പഴയ കവിത ഇപ്പോഴാണു കണ്ടത്. അവിടെനിന്ന് താഴോട്ടു വായിച്ചപ്പോഴാണ് അച്ചന്റെ വേദനകളേക്കാളേറെ മകളുടെ പ്രയാസങ്ങളാണിതില്‍ എഴുതിയിരിക്കുന്നതെന്നു മനസ്സിലായത്.

ഇപ്പോള്‍ എങ്ങനെ? ദൈവം നല്ലതുവരുത്തട്ടെ

ചാത്തങ്കേരിലെ കുട്ടിച്ചാത്തന്‍. said...

എന്റ്പ്പനു തേങാവെട്ടായിന്നു പണി. ശരാശരിയിലും വളരെ തഴ്ന്ന കുടുംബം.... പക്ഷേ ..അന്നു ഞങ്ങള്‍ വൈകുന്നേരങ്ങളില്‍ ‘കൊപ്രാ’ക്കളത്തില്‍ ഇരിക്കാരുണ്ടായിന്നു. അപ്പനും അമ്മച്ചിയും ഞങ്ങള്‍ മക്കളും പിന്നെ അമ്മാമയും ... എല്ലാവരും കൂടി പണിയും ചെയ്ത് കപ്പയും തിന്ന് കട്ടനും കുടിച്ച് ഉള്ള ആ വൈകുന്നേരങ്ങള്‍, എനിക്കൊരിക്കലും എന്റെ മകനു തിരിച്ചു കൊടു ക്കാന്‍ സധിക്കില്ല!!
പുതിയ ലോകം, ജോലിയുടെ ത്തിരക്കുകള്‍, എല്ലാം കൊണ്ട് നമുക്കു നഷ്ടമായത് കൊച്ചു, കൊച്ചു സന്തോഷങ്ങളാണ്.
വലിയ വലിയ സമ്പാദ്യങ്ങള്‍ക്കുമുന്‍പില്‍ നഷ്ടമകുന്ന.. കൊച്ചു കൊച്ചു സന്തോഷങ്ങള്‍!!